හිටපු ආරක්ෂක ලේකම් ගෝඨාභය රාජපක්ෂ මහතා ශ්‍රී ලංකා නිදහස් පක්ෂයේ දෙවන නායකයා ලෙස පත්කිරීමට සාකච්ඡා ආරම්භ කර ඇති බව එම පක්ෂයේ ජ්‍යෙෂ්ඨ උප ලේකම් කම්කරු හා වෘත්තීය සබදතා අමාත්‍ය ජෝන් සෙනෙවිරත්න මහතා පවසයි.
කොලොන්න ශ්රීලනිප බල මණ්ඩලය අමතමින් ඇමතිවරයා කියා සිටියේ එම පත්කිරීම ඉදිරියේදි සිදු කෙරෙනු ඇති බවත්, ඒ සදහා අවශ්‍ය පාර්ශව සමග මේ වන විටත් සාකච්ඡා සිදුවෙමින් පවතින බවත්ය.
කෙසේ වෙතත් තමන් දේශපාලනය පැමිණීමට අකමැත්කත් නැති බව ගෝඨාභය රාපක්ෂ මහතා මින් පෙර සදහන් කර තිබූ අතර, එසේ දේශපාලනයට පිවිසෙන්නේ කුමන පක්ෂයකින්දැයි තමන් තීරණය කර නොමැති බවද සදහන් කර තිබුණා.
මේ අතර සති අන්ත පුවත්පතක් වාර්තා කර තිබුණේ හිටපු ජනාධිපති මහින්ද රාජපක්ෂ මහතාගේ බලය හීන කිරීම සදහා තවත් රාජපක්ෂවරයෙකු ශ්රීලනිප තනතුරකට පත් කිරීමට සූදානමක් ඇති බවයි.