කාතන්කුඩි පොලිස් වසමේ ආරයම්පති තිරුනෙක්කේනි වසමේ වෙරළ තීරයේ අද්භූත වස්තුවක් වැටී තිබියදී සඳුදා (03) සවස එය පුපුරා යාමෙන් පුද්ගලයෙකු බරපතල තුවාල ලබා ඇති බව කාතන්කුඩි පොලිසිය පවසයි.
තිරුනීරුකේනි ප්‍රදේශයේ තරුණයින් 4 දෙනෙකු සිද්ධිය වූ දින මුහුදේ දිය නෑමට ගොස් එහි වෙරළට ගසාගෙන විත් තිබු අද්භූත වස්තුවක් අතපත ගෑමට ගොස් ඒ අතරතුර එය පුපුරායාමෙන් පුද්ගලයෙකු බරපතල තුවාල ලබා මඩු ශික්ෂණ රෝහලට ඇතුළත් කර ඇත.
විශේෂ කාර්ය බළකාය සහ පොලිසිය එම ප්‍රදේශය පරීක්‍ෂා කිරීමේදී එය සැහැල්ලු බෝම්බයක් බවට හඳුනාගෙන ඇති අතර එහි පිපිරී කැඩී බිඳී ගිය කොටස් සොයා ගෙන ඇත.
මේ සම්බන්ධයෙන් කාතන්කුඩි පොලිසිය වැඩිදුර පරීක්ෂණ පවත්වයි.
(කනගරාසා සරවනන්)
