ශ්‍රී ලංකා මහජන උපයෝගීතා කොමිෂන් සභාව අද (17) විදුලි ගාස්තු සංශෝධනය සම්බන්ධ සිය අවසන් වාර්තාව ප්‍රකාශයට පත් කිරීමට පියවර ගෙන තිබේ.
ඒ අනුව 20%ක ප්‍රතිශතයකින් විදුලි ගාස්තුව අඩු කිරීමට පියවර ගෙන ඇත.
එහිදී ගෘහස්ථ කාණ්ඩය යටතේ 0-30ත් අතර ඒකකයට තිබූ ගණන රුපියල් 6ක් දක්වා පැවැති ගාස්තුව රුපියල් 4ක් දක්වාත්, 31-60ත් අතර තිබූ රුපියල් 9 සිට ගාස්තුව 6 දක්වාත් අඩු කිරීමට පියවර ගෙන තිබේ.
සෙසු අංශවල විදුලි ගාස්තු අඩුවන ප්‍රතිශත පහත පරිදි වේ.
හෝටල් ක්ෂේත්‍රයේ – 31%කින්
වාණිජ අංශයේ – 12%කින්
රාජ්‍ය අංශයේ – 11%කින්
කර්මාන්ත අංශයේ – 30%කින්
ආගමික හා පුණ්‍ය ආයතනවල – 21%කින්
වීදි ලාම්පු – 11%කින්
මෙම මිල ගණන් අද මධ්‍යම රාත්‍රියේ සිට ක්‍රියාත්මක වනු ඇත.