පොලිසිය පවසන්නේ මල්වතුහිරිපිටිය පොලිස් වසමේ කහටාන ශ්‍රී ඝනාරාම විහාරස්ථානයේ වැඩ විසූ හිමිනමක ජන. 23 වන දා වෙඩි තබා ඝාතනය කිරීමට අදාළ ප්‍රධාන සැකකරුට ආධාර අනුබල දුන් සැකකාරියක ඊයේ (පෙබ. 21) අත්අඩංගුවට ගත් බවයි.
අත්අඩංගුවට ගත් සැකකාරිය වයස අවුරුදු 22ක් වන දේවගල, වේරගල ප්‍රදේශයේ පදිංචිකාරියකි.
පොලිසිය සඳහන් කළේ, මෙම හිමිනම වෙඩි තබා ඝාතනය කිරීමේ ප්‍රධාන සැකකරුට ආධාර අනුබල දීම, රැකවරණය දීම සහ සත්‍ය තොරතුරු වසන් කළ සැකකාරිය අරලගංවිල පොලිස් වසමේ වේරගල ප්‍රදේශයේදී අත්අඩංගුවට ගත් බව ය.
මේ පිළිබඳව බස්නාහිර පළාත් උතුරු අපරාධ කොට්ඨාසය වැඩිදුර විමර්ශන සිදුකරයි.