මින්නේරිය – හබරණ ප්‍රධාන මාර්ගයේ මින්නේරිය දුම්රියපොළ මංසන්දයේ දී එකම දිශාවට ධාවනය වූ වෑන් රථ දෙකක් එකිනෙක ගැටීමෙන් අනතුරක් සිදුව තිබේ.
ඊයේ (29)දින සිදුව ඇති එම අනතුරින් පුද්ගලයින් 12 දෙනෙකු තුවාල ලබා පොළොන්නරුව මහ රෝහලට හා හිඟුරක්ගොඩ ප්‍රාදේශීය රෝහලට ඇතුළත් කර තිබේ.
මෙලෙස අනතුරට ලක්ව ඇත්තේ කටුනායක ගුවන්තොටුපොළේ සිට සමන්‍තුරේ දෙසට පිරිසක් රැගෙන ධාවනය වෙමින් තිබූ වෑන් රථයක් හා අනුරාධපුර සිට සෝමාවතිය දෙසට වන්දනාකරුවන් රැගෙන ධාවනය වෙමින් තිබූ වෑන් රථයකි.