රගර් ක්‍රීඩක වසීම් තජුඩීන් සම්බන්ධයෙන් වගකිව යුත්තන් අත්අඩංගුවට ගන්නා ලෙස අධිකරණය නියෝගයක් නිකුත් කර තිබේ.
කොළඹ අතිරේක මහේස්ත්‍රාත් නිශාන්ත පීරිස් මහතා අද අපරාධ පරීක්ෂණ දෙපාර්තමේන්තුවට මෙම නියෝගය නිකුත් කළේ ය.
මෙම මරණය ඝාතනයක් බවට කරුණු අනාවරණය වන බැවින් ඊට සම්බන්ධ සැකකරුවන් අත්අඩංගුවට ගන්නා ලෙස අතිරේක මහේස්ත්‍රාත්වරයා මෙලෙස නියෝග කර තිබේ.
මෝටර් රථයක් තුළ පිළිස්සී තිබූ රගර් ක්‍රීඩක වසීම් තාජුඩීන් මහතාගේ සිරුර 2012 වසරේ මැයි 17 වන දා නාරාහේන්පිට ශාලිකා ක්‍රීඩාංගණය ආසන්නයේදී හමුවිය.
තාප්පයක ගැටුණු තාජුඩීන් මහතාගේ මෝටර් රථය අනතුරුව ගිනි ගෙන ඇති බවට සැකකරන බව එවක පොලීසිය ප්‍රකාශ කළේ ය.
කෙසේ වෙතත් පසුව ඔහුගේ බවට සැකකරන මුදල් පසුම්බියක් ද සිද්ධිය වූ ස්ථානයට නුදුරින් තිබී හමුවී තිබිණ.