දඹුල්ල පිහිටි කර්මාන්ත ශාලාවක ෆෝක්ලිෆ්ට් ට්‍රක් රථයකට සිරවීමෙන් පුද්ගලයෙකු ඊයේ (20) සවස් කාලයේදී මිය ගොස් තිබේ.
මරණකරු වයස අවුරුදු 47ක් වූ දඹුල්ල ප්‍රදේශයේ පදිංචිකරුවෙකි.
මරණකරු දඹුල්ල කණ්ඩලම පාරේ පිහිටි කර්මාන්ත ශාලාවක ෆෝක්ලිෆ්ට් ට්‍රක් රථයක රියැදුරු වශයෙන් කටයුතු කර ඇත.
ට්‍රක් රථය පසු පසට ධාවනය කිරීමේදී ඉහළින් තිබූ වයරයක් එහි පැටලීම හේතුවෙන් එය ඉවත් කිරීමට යාමේදී ට්‍රක් රථය ක්‍රියාත්මක වී එහි යකඩ ගාඩරය හා වහලයට හිස සිරවීමෙන් බරපතළ තුවාල ලබා දඹුල්ල රෝහල වෙත ඇතුළත් කිරීමේදී මියගොස් ඇති බව විමර්ශනයේදී අනාවරණය වී ඇත.
මෘත ශරීරය දඹුල්ල රෝහලේ මෘත ශරීරාගාරයේ තැන් පත් කර ඇත.
සිද්ධිය සම්බන්ධයෙන් දඹුල්ල පොලිසිය විමර්ශන සිදු කරයි.