නාවික හමුදාව විසින් ඊයේ (27)දින දකුණු සහ බටහිර මුහුදේ මුර සංචාර අතරතුරදී අනවසරයෙන් වෙනත් රටකට සංක්‍රමණය වීමට උත්සාහ කළ බවට සැක කෙරෙන කල්පිටිය, හලාවත, පුත්තලම, මීගමුව සහ කිලිනොච්චි ප්‍රදේශවල පදිංචි පුද්ගලයින් 45 දෙනෙක් සමඟ බහුදින ධීවර යාත්‍රා දෙකක් තම භාරයට ගෙන ඇත.
නාවික හමුදාවේ ගජබාහු නෞකාව දකුණු මුහුදේ පුද්ගලයන් 26ක් රැගත් බහුදින ධීවර යාත්‍රාවක් මෙලෙස සිය භාරයට ගෙන ඇති අතර,වේග ප්‍රහාරක යාත්‍රාවක් මගින් බටහිර මුහුදේ දී අනෙක් ධීවර යාත්‍රාව තම භාරයට ගෙන ඇති බව නාවික හමුදාව නිවේදනය කර ඇත.
මෙම බහුදින ධීවර යාත්‍රා මුහුදු ගමනකට නුසුදුසු අනාරක්ෂිත තත්ත්වයෙන් පැවති බව නාවික හමුදාව වැඩි දුරටත් සඳහන් කරයි.