ගෑස් අර්බුදයත් සමග මැටි භාණ්ඩ සඳහා වෙළෙඳපොළේ පවතින අධික ඉල්ලුම හේතුවෙන් ඒවායේ මිල කිහිප ගුණයකින් ඉහළ ගොස් ඇතැයි පාරිභෝගියෝ පවසති.
රුපියල් 120 – 200 අතර මිල ගණන්වලට පැවැති මැටි ළිප් මේ වන විට රුපියල් 450 – 500 අතර මිලකට අලෙවි කරන බවද ඔවුහු කීවෝය.
මැටි ළිප් නිෂ්පාදකයන් පවසන්නේ තමන් නිෂ්පාදනය කරන මැටි ළිප් වර්ග හතර සඳහාම දිවයිනේ සෑම ප්‍රදේශයකින්ම අධික ඉල්ලුමක් පැවතීම හේතුවෙන් මුළු දිනයම නිෂ්පාදන කටයුතු සිදු කළද ඉල්ලුමට සරිලන සැපයුමක් ලබා දීමට නොහැකි බවයි.
පසුගිය සමයේ පැවැති වසංගතය හේතුවෙන් අඩාළ වී තිබූ කර්මාන්තයට වසර 30 කට පසු හොඳ කලක් උදාවී ලාභ ලබන තත්ත්වයට පත්ව ඇතැයි මැටි කර්මාන්ත කරුවෝ පැවසූහ.