රුපියල් කෝටි 3කට අධික වටිනාකමකින් යුතු ගජමුතු තුනක් ළඟ තබාගෙන සිටි සැකකරුවෙක් තිස්සමහාරාම තිස්ස නගරයේදී අත්අඩංගුවට ගත් බව විශේෂ කාර්ය බළකාය කියයි.
විශේෂ කාර්ය බලකාය වතුකොළකන්ද කඳවුරේ ස්ථාපිත දකුණු පලාත් විශේෂ මෙහෙයුම් ඒකකයේ නිලධාරීන්ට ලද තොරතුරකට අනුව ස්ථානාධිපති පොලිස් පරීක්ෂක ඩබ්.එම්.කේ. ප්‍රනාන්දු මහතා ඇතුළු නිලධාරීන් කණ්ඩායමක් විසින් ඊයේ (14) රාත්‍රියේ තිස්ස නගරයේ, ප්‍රධාන වටරවුම අසල දී වැටලීමක් සිදුකර ගජමුතු සමඟ සැකකරු අත්අඩංගුවට ගෙන ඇත.
සැකකරු කතරගම පාර, තිස්ස ප්‍රදේශයේ පදිංචි වයස අවුරුදු 45 හැවිරිදි පුද්ගලයකි.
අත්අඩංගුවට ගෙන වැඩිදුර විමර්ශන කටයුතු සඳහා යාල ජාතික වනජීවි කාර්යාලය වෙත භාර දී ඇත.