ඉදිරි දින කිහිපයේදී ගිය ආණ්ඩුවේ මහ හොරු කිහිප දෙනෙක් අත්අඩංගුවට ගැනීමට සියළු කටයුතු සූදානම් කර ඇති බව විදේශ කටයුතු අමාත්‍ය මංගල සමරවීර මහතා පවසයි.
මාතර පැවති උත්සවයක් අමතමින් මංගල සමරවීර මහතා මෙසේද පැවසීය
“සමහරු අපෙන් අහනවා කෝ අල්ලපු හොරු, හොරු අල්ලන්නේ නැද්ද කියලා. මෙගා ඩීල් ගහපු හොරු අල්ලන එක් පික්පොකට්කාරයෙක් අල්ලන තරම් ලේසි නෑ. එක වංචාවක් ගැන තොරතුරු හොයන්න රටවල් හතරකට යන්න වුණ අවස්ථා තිබුණා. ඒ නිසා ඒවාට යම් කාලයක් ගත වෙනවා. නමුත් මම වගකීමෙන් කියනවා ඉදිරි සති දෙක තුන ඇතුළතදී නීත්‍යනුකූලව මහා හොරු කීප දෙනෙක් අත්අඩංගුවට ගන්න සියලු දේ කරලා තියෙන්නේ. ඔය සේරම කියන කොට සද්ද නැතිව හිනා වෙලා ඉන්න. මොකද වෙන දේ හරි වෙලාවට නියම විදියට වේවි. ඒක සතියක් දෙකක් යන කොට වේවි. ඒක කාටවත් නවත්වන්න බෑ”