රජයේ වෛද්‍ය නිලධාරීන්ගේ සංගමය විසින් දියත් කරන්නට යන වැඩ වර්ජනය රජය විසින් රාජ්‍ය සේවකයින්ගේ මූලික වැටුප රුපියල් 2500කින් ඉහල දැමීමට එරෙහි ඇණයක් යයි රජයේ හෙද නිලධාරීන්ගේ සංගමයේ සභාපති සමන් රත්නප්රිය මහතා කොළඹදී පැවති මාධ්‍ය හමුවක් අමතමින් කියා සිටියේය.
රුපියල් 10,000ක් මූලික වැටුපට එක් කිරීමෙන් කම්කරු හා විධායක ශ්‍රේණින් අතර පවතින වැටුප් පරතරය වූ 14 වෙනස් වන බවත් එය තිබිය යුත්තේ 112 අනුපාතයට බවත් රජයේ වෛද්‍යවරුන්ගේ සංගමය විසින් පැවති මාධ්‍ය හමුවේදී කල ප‍්‍රකාශයට පිළිතුරු ලෙස රත්නප්රිය මහතා එසේ කියා සිටියේය.
මේ වන විටත් වෛද්‍යවරයෙකු මාසිකව සියලූ මාසික දීමනා සහිතව 124,000ක්ද දෙවන ශ්‍රේණියේ වෛද්‍යවරයෙකු 140,000කටත් වඩා ලබා ගන්නා බවද කී ඔහු වෛද්‍ය සංගමය තම බඩ ගැන පමණක් සිතීම හෙළාදකින බවද, මූලික වැටුප් වැඩිවීමට අත නොතියන්නැයි ඔවුනට අවධාරණය කරන බවද සඳහන් කලේය.