වී අලෙවි මණ්ඩලය සතු වී තොග මෙට්‍රික් ටොන් දෙලක්ෂ අසූහත්දාහසක් ඉන්දීය සමාගමකට අලෙවි කිරිමට තීරණය කර තිබෙන බව ග්‍රාමීය ආර්ථික කටයුතු අමාත්‍ය පී.හැරිසන් මහතා පවසයි. ඒ අනුව අදාල වී තොගය අලෙවි කිරීම අදසිට ආරම්භ වන බවයි අමාත්‍ය වරයා සදහන් කරන්නේ.
වී අලෙවි කිරීම සදහා ටෙන්ඩර් කැදවූවද ඒ සදහා දේශීය ගැනුම්කරුවන් නිසි ප්‍රතිචාර නොදැක්වීම හේතුවෙන් එම තීරණය ගත් බවයි අමාත්‍යවරයා පවසන්නේ.
ඒ අනුව නාඩු වී කිලෝග්‍රෑමයක් රුපියල් 42ට ද සම්බා වී කිලෝග්‍රෑමයක් රුපියල් 52ට ද අලෙවි කිරීමට නියමිත අතර එලෙස ඉන්දීය සමාගමකට වී අලෙවි කිරීමෙන් කිසිදු අවස්ථාවක මෙරට වී හිගයක් ඇති නොවන බවද අමාත්‍යවරයා වැඩිදුරටත් පවසනවා.