අග්‍රමාත්‍යවරයා සිදුකළ ප්‍රකාශය පදනම් කරගෙන රාජ්‍ය, අර්ධ රාජ්‍ය හා පෞද්ගලික අංශ සේවකයන් නියෝජනය කරන වෘත්තීය සමිති අද 15 දිනයේ සිදුකිරීමට සැලසුම් කළ වැඩවර්ජනය නතර කළද, අගමැතිවරයාගේ ප්‍රකාශය තුළ අයවැයේ ඇති බැංකු ක්ෂේත්‍රයට අහිතකරදායක යෝජනා සම්බන්ධයෙන් සාධනීය විසදුමක් ලබා දී නොමැති බවැවින් තම සංගමය වැඩවර්ජනයක් දියත් කරන බව ලංකා බැංකු සේවක සංගමය සඳහන් කරයි.
අද උදෑසන 7.00 සිට වැඩවර්ජනය දියත් කරන බවත්, ඒ සඳහා රාජ්‍ය හා පෞද්ගලික අංශයේ බැංකු 20 ක සේවකයන් 30,000 ක් සහභාගී වන බවත් එම සංගමයේ විධායක සභික කේශර කොට්ටේගොඩ මහතා සඳහන් කළේය.
මේ අතර ලංකා බැංකු සේවක සංගමය අද සිදුකිරීමට නියමිත වැඩවර්ජනයට එරෙහිව කොළඹ දිසා අධිකරණය ඊයේ වාරණ නියෝගයක් නිකුත් කළා.
ඒ, මෙම වැඩවර්ජනය සඳහා බැංකු සේවකයින් බලහත්කාරයෙන් සහභාගි කරවා ගැනීම වළක්වාලමින්.