රාගම වල්පොල දේශයේ නිවාස තුනකට කඩුවලින් සහ මන්නා පිහිවලින් පහරදී අලාභ හානි සිදු කිරීමේ සිද්ධියට සම්බන්ධ සැකකරුවකු අත්බෝම්බයක් ද සමග අත්අඩංගුවට ගත් බව රාගම පොලිසිය පවසයි.
සැකකරු සම්බන්ධයෙන් ලද තොරතුරකට අනුව මහබාගේ ප්‍රදේශයේ දී ඊයේ (25)දින අත්අඩංගුවට ගෙන ඇත.
මෙම සැකකරු ඉකුත් වූ (20) දින රාත්‍රියේ මෙම නිවාසවලට පහර දී ඇති බව පොලිසිය පවසයි.
සැකකරු රාගම මගුල් පොකුණ ප්‍රදේශයේ පදිංචි (36) පුද්ගලයකු වන අතර මොහු පුද්ගලයන්ට වෙඩි තබා ඝාතනය කිරීම,කාපා කොටා ඝාතනය කිරීම, වෙඩි තබා ඝාතනය කිරීමට තැත් කිරීම, සහ පොලිස් නිලධාරීන්ට පහර දීම සම්බන්ධයෙන් චෝදනා රැසක් ඇති පුද්ගලයකු බවද පොලිසිය පවසයි.