කලවංඩිකුඩි කඳවුරේ නිලධාරීන් කණ්ඩායමක් සමග ඒකාබද්ධව, කාත්තංකුඩි පොලිස් වසමේ මුත්තුවාරන් වෙරළ තීරයේ දී වැටලීම් හතරක් සිදුකර තිබේ.
එහි දී ආගමන විගමන නීති උල්ලංඝනය කරමින් නීති විරෝධී ලෙස ඕස්ට්‍රේලියාව බලා සංචරණය වීමට සිටි පුද්ගලයින්හට බෝට්ටු මගින් ප්‍රවාහනය පහසුකම් සපයා ඒ සදහා අනුබලදීමේ වරදට මඩකලපුව ප්‍රදේශයේ පදිංචි පුද්ගලයින් පස් දෙනෙකු ඒ සදහා යොදාගත් ඩිංගි බෝට්ටු පහක් සමග අත්අඩංගුවට ගෙන ඇති බවයි පොලිස් විශේෂ කාර්ය බලකාය සඳහන් කරයි.
එක් පුද්ගලයකු නීති විරෝධීව ඔස්ට්‍රේලියාව දක්වා ප්‍රවාහනය කිරිමට රුපියල් ලක්ෂ දහයේ සිට රුපියල් ලක්ෂ පහලොව දක්වා අයකල බව ඔවුන් ගෙන් සිදු කළ ප්‍රශ්න කිරීම්වලදී අනාවරණය වී ඇත.
ඔවුන් වැඩිදුර විමර්ශන කටයුතු සඳහා කාත්තංකුඩි පොලිස් ස්ථානය වෙත භාර දී තිබේ.