ලංකා විදුලිබල මණ්ඩලය භාණ්ඩාගාර බැදුම්කරවල ආයෝජනය කළ රුපියල් බිලියන 3කට ආසන්න මුදලක් අතුරුදන් වී ඇතැයි ලංකා විදුලිබල මණ්ඩල පවසනවා. මේ සම්බන්ධයෙන් පරීක්ණයක් කරන ලෙස අපරාධ පරීක්ෂණ දෙපාර්තමේන්තුවට පැමිණිලි කිරීමට ලංකා විදුලි බල මණ්ඩලය සූදානම් වනවා.
ඒ සඳහා විදුලිබල හා පුනර්ජනනීය බලශක්ති අමාත්‍යවරයා විසින් ලංකා විදුලිබල මණ්ඩලයේ සභාපතිවරයාට උපදෙස් ලබා දී ඇති බවයි එම අමාත්‍යංශය නිකුත් කළ නිවේදනයක දැක්වෙන්නේ.
2009 වසරේදී ලංකා විදුලිබල මණ්ඩලයේ අර්ථසාධක අරමුදල් වශයෙන් රැස්ව තිබූ මුදලින්, පුද්ගලික සමාගමක් හරහා භාණ්ඩාගාර බැඳුම්කරවල ආයෝජනය කර තිබූ රුපියල් 2,959,267,568 ක් වූ මුදල මහ බැංකුවේ ගිණුම් ප‍්‍රකාශ අනුව 2014.12.31 දිනට එහි නොපවතින බවට කරුණු හෙලිවී ඇති බවයි අදාළ නිවේදනයේ වැඩි දුරටත් දැක්වෙන්නේ.
(එම නිවේදනය පහතින් දැක්වේ)
