ගම්පහ සෞඛ්‍ය වෛද්‍ය නිලධාරී කොට්ඨාසයට අයත් මෝරුපොළ ප්‍රදේශයේ සිදුකළ ලේ දන්දීමේ වැඩසටහනකට එක් වූ පුද්ගලයින් තිදෙනෙකුට කොවිඩ් නයින්ටීන් ආසාදනය වී ඇති බවට හඳුනාගෙන තිබේ.
ඉදිගොල්ල ප්‍රදේශය භාර මහජන සෞඛ්‍ය පරීක්ෂක සුසන්ත බණ්ඩාර මහතා සඳහන් කළේ, අදාළ ආසාදිතයින්ගේ ආශ්‍රිතයින් නිරෝධායනය සඳහා යොමුකර ඇති බවය.
වැඩිදුරටත් අදහස් දැක්වු සුසන්ත බණ්ඩාර මහතා,
“මෝරුපොළ ග්‍රාම නිලධාරී වසමේ ලේ දන්දීමේ වැඩසටහනක් පවත්වලා තියෙනවා පසුගිය 03 වන දා. තරුණ කැල තමයි පවත්වලා තියෙන්නේ. ඒ වැඩසටහනෙන් පස්සේ ඒ අය හවස සාදයක් පවත්වලා තියෙනවා. ඒ සාදයට සම්බන්ධ වුණ තුන්දෙනෙක් දැනට පොසිටිව් වෙලා තියෙනවා. ඒ නිසා ඒ සාදයට ආපු ළමයි 19 දෙනෙක් නිරෝධායනය කළා. නිවාස 19 තුළ 108 දෙනෙක් දැනට නිරෝධායනයට දැම්මා. වෛද්‍ය නිලධාරීතුමා විසින් ඒ ලේ බැංකුවට දන්වලා තියෙනවා ඒ ලේ දන් දුන්න පුද්ගලයින් පොසිටිව් වුණා කියලා.”