හොරණ, අගුරුවාතොට ගල්පාත ප්‍රදේශයේ දී ගෙල වැල ලාගෙන මිය ගියා යැයි සැක කෙරෙන නව හැවිරිදි පාසල් සිසුවෙකුගේ මළ සිරුරක් හමු වී තිබේ. අද පෙරවරු 7.30ට පමණ නිවස පිටුපස පිහිටි කජු ගසක එල්ලෙමින් තිබියදී මෙම දරුවාගේ මළ සිරුර හමුවී ඇති බවයි අගුරුවාතොට පොලීසිය පවසන්නේ.
හොරණ වැඩබලන මහේස්ත්‍රාත්වරිය එම ස්ථානයට පැමිණ මහේස්ත්‍රාත් පරීක්ෂණය සිදුකිරීමෙන් අනතුරුව මෘත ශරීරය පශ්චාත් මරණ පරීක්ෂණය සිදුකිරීම සඳහා පානදුර මූලික රෝහලට ගෙන ගොස් තිබේ.
මේ සම්බන්ධයෙන් අගුරුවාතොට පොලීසිය වැඩිදුර විමර්ශන ආරම්භ කර ඇති බව පොලිස් ආරංචි මාර්ග සදහන් කරයි