හිටපු ජනාධිපති පුත් නාමල් රාජපක්ෂ මහතාට විරුද්ධව සිදුකරන FCID සහ CID විමර්ශන නවතා දැමීම සදහා මහබැංකුවේ සිදුවී තිබෙන වංචාවට අර්ජුන් මහේන්ද්‍රන් හිටපු මහබැංකු අධිපතිට විරුද්ධව ඒකාබද්ධ විපක්ෂය සිදු කරන ක්‍රියාකාරකම් නවතා දමන ලෙස අග්‍රාමාත්‍ය රනිල් වික්‍රමසිංහ මහතා හිටපු ජනාධිපති මහින්ද රාජපක්ෂ මහතාගෙන් ඉල්ලීමක් කර ඇති බවට දේශපාලන ක්ෂේත්‍රයේ කතාබහක් ඇතිවී තිබෙනවා.
ඒ සදහා හිටපු ජනාධිපතිවරයා එකග වූ බවයි සිරිකොත ආරංචි මාර්ග සදහන් කර සිටින්නේ.
මේ අතර පෙරේදා හිටපු මහ බැංකු අධිපතිට විරුද්ධව ඒකාබද්ධ විපක්ෂ මන්ත්‍රීවරු පාර්ලිමේන්තුව තුල අදහස් දැක්වීමත් සමගම හිටපු ජනාධිපතිවරයාට දුරකථන ඇමතුමක් ලබාදී මන්ත්‍රීවරු නිශ්ශබ්ධ කර දෙන ලෙස අග්‍රාමාත්‍යවරයා විසින් ඉල්ලීමක් කර ඇති අතර හදිස්සියේ පාර්ලිමේන්තුව තුලට පැමිණි හිටපු ජනාධිපති මහින්ද රාජපක්ෂ මහතා අග්‍රාමාත්‍යවරයාගේ ඉල්ලීම ඉටුකිරීමට පියවර ගත් බවයි එම වාර්තා සදහන් කර සිටින්නේ.
කෙසේ වෙතත් ඊයේ ගාල්ලේදී පැවති මාධ්‍ය හමුවකට සහභාගී වෙමින් හිටපු ජනාධිපතිවරයා සදහන් කර සිටියේ මහබැංකු බැඳුම්කර ගනුදෙනුවේදී සිදුව ඇති අක්‍රමිකතා සම්බන්ධයෙන් හිටපු මහබැංකු අධිපතිවරයාට නඩු පැවරිය යුතු බවයි.