ජාතිය ආගම සම්බන්ධයෙන් අද රටේ ආන්දෝලනාත්මක තත්ත්වයක් ඇති වී තිබෙන බවත්, මේ ගැන පාලකයන්ගන් විමසූ විට එවන් ප්‍රශ්නයක් නැති බවත්, ඒවා බොරු ප්‍රචාර බවත් කියන්නේ යැයි අස්ගිරි පාර්ශවයේ අතිගරු මහා නායක අතිපූජ්‍ය වරකාගොඩ ඤාණරතනි හිමියන් පවසයි.
පාලකයන් එසේ කීයමින් ගේ ඇතුළේ වෙස් බැන්දාට නටන්න වෙන්නේ එළියේ බවත්, මෙරට භික්ෂූන් වහන්සේලා කිසි කලෙක පසුබසින්නේ නොමැති බවත් උන්වහන්සේ අවධාරණය කර සිටී.
අස්ගිරි නාහිමියන් මෙම අදහස් පළකලේ කොළඹ සම්බෝධි විහාරයේ පැවති උත්සවයකට සහභාගී වෙමිනි.
මේ රට බෞද්ධ රටක් බවත්, සිංහල ජාතියට ඇති එකම රට බවත් සිහිපත් කල නාහිමියෝ පාලකයන්ට අවශ්‍ය ආකාරයට අත්තනෝමතිකව කටයුතු කරන්නට ඉඩ නොදෙන බවද වැඩි දුරටත් අවධාරණය කර සිටියහ.