මහනුවර, ගැටඹේ ප්‍රදේශයේදී පොලිස් නිලධාරීන්ගේ රාජකාරියට බාධා කළ පුද්ගලයින් දෙදෙනෙකු අත්අඩංගුවට ගෙන තිබේ.
සැණකෙළි භුමියකට බීමත් පිරිසක් ඇතුළුවීම වැළැක්වීමට යාමේදී ඔවුන් පොලිස් නිලධාරියෙකුට පහර දී ඇති බව පොලීසිය පවසයි.
සිද්ධියෙන් තුවාල ලැබූ පොලිස් නිලධාරියා ප්‍රතිකාර සඳහා මහනුවර රෝහලට ඇතුළත් කර තිබේ.
ඒ සම්බන්ධයෙන් සැකකරුවෙකු හා සැකකාරියක් අත්අඩංගුවට ගෙන ඇති අතර ඔවුන් අද අධිකරණයට ඉදිරිපත් කිරීමට නියමිත බව පොලීසිය සදහන් කරයි.
එලෙස අත්අඩංගුවට ගෙන ඇත්තේ, අවුරුදු 30 සහ 46 යන වයස්වල පසුවන උඩපේරාදෙණිය හා පොල්ගොල්ල යන ප්‍රදේශවල පදිංචිකරුවන් දෙදෙනෙකි.