නොරෝච්චෝලේ ගල්අඟුරු බලාගාරයේ පළමු ජනන යන්ත්‍රයේ විදුලි ජනන කටයුතු ලබන සඳුදා (29)දිනයේ සිට ආරම්භ කරන බව ලංකා විදුලි බල මණ්ඩලය පවසයි.
එහි මාධ්‍ය ප්‍රකාශක, නියෝජ්‍ය සාමාන්‍යාධිකාරි ඇන්ඩෲ නවමුනි මහතා සඳහන් කරන්නේ, පසුගිය දා යන්ත්‍රයේ කොටසක බටයක් පුපුරා යාමෙන් එය අලුත්වැඩියා කිරීමට සිදු වූ බවය.
මේ අතර නොරෝච්චෝලේ ගල්අඟුරු බලාගාරයේ දෙවන යන්ත්‍රය ද නඩත්තු කටයුත්තක් හේතුවෙන් මේ වනවිට අක්‍රිය කර තිබේ.
එම ජනන යන්ත්‍රය අක්‍රියවීමෙන් ජාතික විදුලි බල පද්ධතියට අහිමිවන විදුලි ධාරිතාව මෙගාවොට් 270 කි.
මේ අතර ජල විදුලි උත්පාදනය මේ වනවිට 50% ක් බව විදුලි බල මණ්ඩලය ප්‍රකාශ කළේ ය.