Colombo Today Local News

කෝටිපති කතක් නිවස තුල මරා දමලා

මහනුවර වැව රවුමේ රතු බෝක්කු හන්දිය අසල සුවිසල් නිවසක තනිව ජීවත්වූ 65 හැවිරිදී කෝටිපති කාන්තාවක ගෙල කපා ඝාතනය කොට ඇති බව මහනුවර මූලස්ථාන පොලීසිය පවසයි.

එසේ ඝාතනය වී ඇත්තේ කමනී රණසිංහ (65) නමැති කාන්තාවක බවද පොලිසිය කියයි.

එම කාන්තාව රජයේ විධායක ශ්‍රේණියේ රැකියාවක් කොට විශ්‍රාම ලබා තනිව ජීවත්ව ඇති අතර සුවිසල් නිවස අසල කඩ සාප්පු විශාල ප්‍රමාණයක් කුලියට දී ඇති බව පොලිසිය සඳහන් කරයි.

කාන්තාවගේ සැමියා මීට පෙර මියගොස් ඇති අතර ඔවුන්ගේ දරුවන් දෙදෙනකු ඕස්ට්‍රේලියාවේ ජීවත් වන බව ද පොලිස් විමර්ශනවලදී අනාවරණය වී තිබේ.

නම සඳහන් කිරීමට අකමැති සිද්ධිය ඇසින් දුටුවකු පවසා ඇත්තේ, කාන්තාව ජීවත් වූ නිවස තුළින් කළු අඩි පහක් පමණ උසැති පුද්ගලයකු පිහියක්ද අතැතිව නිවස තුළින් එළියට එන බව දුටු බවත් ඔහුගේ අතක් ද කැපී ලේ ගලමින් තිබූ බවයි.

පිහියක් දික් කරමින් එම පුද්ගලයා තමන්ට ද තර්ජනය කළ බැවින් ඔහු අසලට නොගිය බව පවසා ඇති ඔහු පසුව නිවස තුළට ගොස් බලන විට මෙම කාන්තාව බිම වැටී දඟලමින් සිටි බවද සදහන් කර ඇත.

ඉන් මද වේලාවකට පසු ඇය මියගිය බැවින් එය රෝහල්ගත කිරීමට පියවර නොගත් බවත් ඔහු ඒ පිළිබඳව පොලිසියට දැනුම් දීමට කටයුතු කළ බවද පවසා ඇත.

දේපොළ ප්‍රශ්නයක් මත මෙම ඝාතනය සිදුවී ඇති බවට සැක කරන පොලීසිය අදියර කිහිපයක් ඔස්සේ වැඩිදුර පොලිස් විමර්ශනයක් සිදු කෙරේ.

Related posts

වැවේ පිටවාන කඩන්නයි කියා පුත්තලම නාගරික මන්ත්‍රීගේ කනට ගහලා

colombotoday

“අලි පොහොට්ටු මගුල රටට අවමගුලක් වෙලා. ආණ්ඩුවේ මිනිසුන්ට අන්තට්ටුවයි වලිගය යි විතරයි අඩු.”

Admin

ධීවර වරායේ මගඩියෙන් රජයට කෝටි 48ක් පාඩුයි.. “හොරු අල්ලන රාජිතගේ” තවත් වැඩක් එළියට !

colombotoday

ඇතා පහර දෙයි.. බරපතල තුවාල ලබා බෙල්ලන්විල නාහිමියෝ රෝහල්ගත කරති

colombotoday

තිරසාර සංවර්ධන පනත උතුරු පළාත් සභාව ප්‍රතික්ෂේප කරයි

colombotoday

ප්‍රමිතියෙන් තොර පොහොර සැපයූ සමාගමක් අසාදු ලේඛනගත කරයි

Admin