ඔක්තෝබර් 30 දා සිට ක්‍රියාත්මක වන පරිදි මිහින් ලංකා සමාගමේ සියළුම ගුවන් ගමන් නවතිනු ඇති බව එම සමාගම පවසයි.
ඉන්පසුව එම සියලු ගුවන් ගමන් වල මෙහෙයුම් ශ්‍රී ලංකන් ගුවන් සමාගම විසින් සිදුකිරීමට නියමිත බව ද මිහින් ලංකා වැඩිදුරටත් පවසයි. මේ අනුව, මිහින් ලංකා ගුවන් සමාගම ලබන 30 වන දා සිට ශ්‍රී ලංකා ගුවන් සමාගම යටතට පවරා ගන්නා බව ශ්‍රී ලංකන් හි මාධ්‍ය ප්‍රකාශක – දීපාල් පෙරේරා මහතා පවසා තිබේ.
වසර 2007දී ස්ථාපිත කරන ලද මිහින් ලංකා ගුවන් සේවය මේ වසරේදී මෙරට ජාතික ගුවන් සේවය වන ශ්‍රී ලංකන් සමාගම හා ඒකාබද්ධ කිරීමට රජය තීරණය කර තිබුණි. ශ්‍රී ලංකන් ගුවන් සේවයද පෞද්ලික අංශය සමග ඒකාබද්ධ කර පවත්වාගන යෑම සදහා රජය තීරණය කර ඇති අතර ඒ සදහා විදේශීය සමාගම් කිහිපයක් මේ වන විට ඉදිරිපත්ව සිටී.