පැරිස් ප්රහාරයේ මහ මොලකරු ලෙසින් සැළකෙන අබ්දුල්හමීඩ් අබූඩ් ඊයේ වැටලීමේදී ඝාතනය කෙරෙනු බව ප්‍රංශ බලධාරීන් තහවුරු කර තිබේ. ශාන්ත ඩෙනිස් නගරයේ පෙරේදා සිදුකළ මෙහෙයුමෙන් අනතුරුව සුන්බුන් පරික්ෂා කිරීමේදී ඔහුගේ සිරුර හමුවූ විදෙස් මාධ්‍ය වාර්තා කළේ. ඔහුගේ සිරුර සොයා ගත්තේ මහල් නිවාස සංකීර්ණයක තිබියදීයි. ඇඟිලි සළකුණු වලින් ලබා ගත් තොරතුරු අනුව අබ්දුල්හමීඞ් අබවුඞ් පැරිස් ප්රහාරයේ මහ මොළකරු ලෙස තහවුරු කර ගත් බවයි ප්‍රංශ මාධ්‍ය වාර්තා සදහන් කරන්නේ.
බෙල්ජියම් ජාතිකයෙකු වන අබූඩ් ඝාතනයට ලක්වන විට 27වන වියේ පසුවිය.ඔහු පිළිබදව තොරතුරු රැසක් අනාවරණය කරගෙන ඇති බව ප්‍රංශ බලධාරීන් පවසනවා. මීට මාස කිහිපයකට පෙර ඔහු සිරියාවේ සිට සංක්‍රමණිකයන් හරහා ග්‍රීසියට පැමිණ ඇති බවයි සදහන් වන්නේ. කෙසේ වෙතත් කිසිදු යුරෝපීය රටක් ඔහු පිළිබදව තොරතුරු අනාවරණය නොකිරීම ගැටළුවක් බව ප්‍රංශයේ අභ්‍යන්තර කටයුතු අමාත්‍ය බර්නාඩ් කැසනෙව් ප්‍රකාශ කර තිබෙනවා.