රයිෆලයක් අතැතිව ඩෙන්මාර්කයේ කෝපන්හේගන් නුවර සුපිරි වෙළෙඳ සංකීර්ණ ගොඩනැගිල්ලකට කඩා වැදුණු පුද්ගලයකු කළ වෙඩි තැබීමකින් තිදෙනෙක් ජීවිතක්ෂයට පත්වී 10 දෙනෙක් තුවාල ලබා ඇති බවට විදෙස් මාධ්‍ය වාර්තා කරයි.
වෙඩි තැබීම සිදුකර ඇත්තේ 22 හැවිරිදි තරුණයෙක් වන අතර ඔහු ජීවග‍්‍රහයෙන් අල්ලා ගැනීමට පොලිසිය සමත් වී ඇත.
සිද්ධිය සම්බන්ධයෙන් විමර්ශන කටයුතු දිගටම පැවැත්වෙන නමුත් පොලිස්පති සෝරන් තොමැසන් මාධ්‍ය හමුවේ පවසා ඇත්තේ එය ත‍්‍රස්ත ප‍්‍රහාරයක් බවයි.
වෙඩි තැබීම කළ තරුණයා ඩෙන්මාර්ක ජාතිකයකු බවත් ඔහු සුදු අන්තවාදියකු බවත් ඇතැම් මාධ්‍ය වාර්තා කර තිබේ.