2021 වසරේ උද්ඝෝෂණයක නිරතව සිටිමින් අයුතු අවහිර කිරීමක් සිදු කළ බවට වූ පැමිණිල්ලක් සම්බන්ධයෙන් අධිකරණය හමුවේ පෙනී නොසිටි අන්තර් විශ්ව විද්යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ සහ රත්කරව්වේ ජිනරතන හිමියන්ට අධිකරණය අද වරෙන්තු නිකුත් කර ඇත.
ඒ එම නඩුව කොළඹ කොටුව මහේස්ත්‍රාත් තිලිණ ගමගේ මහතා හමුවේ අද කැඳ වූ අවස්ථාවේදීයි.
එහිදී සැකකරුවන් අධිකරණය හමුවේ පෙනී නොසිටි අතර කොටුව පොලිසිය අධිකරණයෙන් කළ ඉල්ලීමක් සලකා බැලීමෙන් අනතුරුව මහේස්ත්‍රාත්වරයා සැකකරුවන්ට වරෙන්තු නිකුත් කර තිබේ.
2021 වසරේ සිදුකළ උද්ඝෝෂණයකදී අයුතු අවහිර කිරීමක් සිදුකළ බවට සැකකරුවන්ට විරුද්ධව කොටුව පොලිසිය මෙම පැමිණිල්ල ඉදිරිපත් කර තිබිණ.