වැඩ බලන ජනාධිපති රනිල් වික්‍රමසිංහ මහතාගේ පාර්ලිමේන්තු මන්ත්‍රී ධුරය බල රහිත කරන ලෙස ඉල්ලූ මූලික අයිතිවාසිකම් පෙත්සම විභාගයට නොගෙනම ශ්‍රේෂ්ඨාධිකරණය අද (19)දින ඉවත දැමීය.
මෙම පෙත්සම ගොනු කරනු ලැබ තිබුණේ, නීතිඥ නාගානන්ද කොඩිතුවක්කු මහතා විසිනි.
මෙම පෙත්සමෙන් ඉල්ලා තිබුණේ රනිල් වික්‍රමසිංහ මහතා පාර්ලිමේන්තු මන්ත්‍රීවරයකු ලෙස කටයුතු කිරීම, ඡන්දය භාවිත කිරීම වළක්වන අතුරු තහනම් නියෝගයකි.
ගාමිණී අමරසේකර, ශිරාන් ගුණරත්න, ජනක් ද සිල්ව යන ශ්‍රේෂ්ඨාධිකරණ විනිසුරු මඩුල්ල නීතිපතිවරයා හා වගඋත්තරකාර පාර්ශ්වය වෙනුවෙන් ඉදිරිපත් කළ මූලික විරෝධතා පිළිගනිමින් මෙම පෙත්සම විභාගයට නොගෙන ප්‍රතික්ෂේප කළේ ය.