බොරැල්ල, සිංහපුර මහල් නිවාස සිංකීර්ණයේ ඊයේ (ජූලි 17) උදෑසන කාලයේදී කාන්තාවක ඝාතනය කර තිබේ.
මරණකාරිය වයස අවුරුදු 65 ක් වන සිංහපුර මහල් නිවාස සිංකීර්ණයේ පදිංචිකාරියකි.
පුද්ගලික ආරවුලක් හේතුවෙන් මරණකාරියගේ දුව කුඩා ප්‍රමාණයේ මෝල් ගසකින් හිසට පහර දී ඇති බවට මූලික විමර්ශනයේදී අනාවරණය වී ඇති බව පොලිසිය සඳහන් කරයි.
මෘත ශරීරය ජාතික රෝහලේ මෘත ශරීරාගාරයේ තැන්පත් කර ඇත.
සැකකාරිය අත්අඩංගුවට ගෙන ඇති අතර ඊයේ දිනයේදී අලුත්කඩේ මහේස්ත්‍රාත් අධිකරණයට ඉදිරිපත් කිරීමෙන් අනතුරුව ජූලි 27 වන දා දක්වා රක්ෂිත බන්ධනාගාරගත කර ඇති බව පොලිසිය පැවසීය.
සිද්ධිය සම්බන්ධයෙන් බොරැල්ල පොලිසිය වැඩිදුර විමර්ශන සිදු කරයි.