4 April 2025
Colombo Today Local News

ගෝඨාභය රාජපක්ෂ ජනපති ධුරයෙන් ඉල්ලා අස්වීමේ ලිපිය ගැන නිල ප්‍රකාශය අද

ගෝඨාභය රාජපක්ෂගේ ඉල්ලා අස්වීමේ ලිපිය සම්බන්ධයෙන් වූ නිල ප්‍රකාශය අද සිදුකරන බව කථානායක කාර්යාලය පවසයි.

නිවේදනයක් නිකුත් කරමින් එම කාර්යාලය සදහන් කළේ, ශ්‍රි ලංකාවේ සිංගප්පූරු තනාපති කාර්යාලය හරහා ජනාධිපති ගෝඨාභය රාජපක්ෂ මහතාගේ ධුරයෙන් ඉල්ලා අස්වීමේ ලිපිය කථානායකවරයා වෙත ලැබුණු බවය.

ජනාධිපති ගෝඨාභය රාජපක්ෂ මහතා ඊයේ මාලදිවයිනේ සිට සිංගප්පුරුව බලා පිටත්වීමෙන් අනතුරුව අදාළ ලිපිය යොමුකර තිබුණි.

කථානායක කාර්යාලය සදහන් කළේ එහි නිත්‍යානුකූලභාවය පිළිබඳව පරික්ෂා කිරීමෙන් අනතුරුව ඉල්ලා අස්වීම නිල වශයෙන් දැනුම්දෙන බවය.

ආණ්ඩුක්‍රම ව්‍යවස්ථාවේ 38 එක වගන්තියට අනුව කථානායකවරයා වෙත තම අත්සනින් යවනු ලබන ලිපියකින් ජනාධිපතිවරයාට ඉල්ලා අස්වීමට හැකියාව පවතී.

මේ අතර ජනාධිපති ගෝඨාභය රාජපක්ෂ මහතා සිංගප්පූරුවේ දේශපාලන රැකවරණ ඉල්ලා නොමැති බවට සිංගප්පූරු විදේශ කටයුතු අමාත්‍යංශය පවසයි.

නිවේදනයක් නිකුත් කරමින් ඔවුන් සඳහන් කර සිටියේ සිංගප්පූරුව කිසිදු පාර්ශවයක් සඳහා දේශපාලන රැකවරණ ලබා නොදෙන අතර ජනාධිපතිවරයා පැමිණ ඇත්තේ පෞද්ගලික සංචාරයක් සඳහා බවටය.

Related posts

ඇමති නාමල්ට රාජ්‍ය අමාත්‍ය ධුරයකුත් ලැබෙයි

colombotoday

බෙහෙත් ගන්න ගිය පුද්ගලයෙකුට මහ මඟදී අලියෙක් ගහලා

Admin

සේයා ඝාතනය කළේ කොණ්ඩයාගේ අයියාමයි, ප්‍රබල සාක්ෂි ලැබුණු බව පොලීසිය කියයි.

colombotoday

සංශෝධනය වූ අධිවේගී මාර්ග බස් ගාස්තු මෙන්න

Admin

බිල් ගෙවා නෑ.. පාසල් 2700ක නෙට් කපලා දැන් දින 14යි

colombotoday

ගෝඨාභය අරලියගහ මැදුරේදී රනිල් හමුවේ…

colombotoday