නිවසේ භාවිතා කළ ගෑස් අවසන් වීම නිසා පවුලේ පිරිස සමඟ දර කඩන්නට ගිය හම්බන්තොට සමරකෝන් වැව ප්‍රදේශයේ පුද්ගලයෙකු හක්කපටස් පුපුරා මිය ගොස් ඇතැයි පොලීසිය කියයි.
මිය ගොස් ඇත්තේ හම්බන්තොට සමරකෝන් වැව ප්‍රදේශයේ පදිංචිව සිටි 25 වැනි වියේ පසු වූ දිලිප් චාමර නම් එක්දරු පියෙකි.
ඔහු පවුලේ අය සමග සමරකෝන් වැව ආසන්නයේ ඇති වන භූමියට ගොස් ඇත්තේ ආහාර පිසීම සදහා දර කඩාගෙන ඒමටය.
දර කඩමින් සිටින අතර මිය ගිය අයගේ බාල සොහොයුරා කැලයේ තිබු ගුලියක් වැනි යමක් දැක එය අහුලා වැඩිමහල් සහෝදරයට දී ඇති බවත් ඉන් අනතුරව එම ගුලිය කුමක්දැයි මිය ගිය තරුණයා පරීක්ෂා කරනවාත් සමගම එය පිපිරී ඇතැයි පොලීසිය සදහන් කරයි.
හක්ක පටස් ගුලිය පිපිරීමත් සමඟම දිලිප් චාමර තුවාල ලබා එම ස්ථානයේදීම මිය ගොස් තිබේ.මිය ගිය දිලිප් චාමර ධීවරයෙකු බවත් ඔහු ඊයේ(26) දින මුහුදු ගොස් නිවසට පැමිණි අයෙකු බවත් පෙලීසිය කියයි.
හම්බන්තොට සමරකෝන් වැව ප්‍රදේශය වන අලි බහුලව වෙසෙන ප්‍රදේශයක් වන අතර එහි වෙසෙන සමහර වගාකරුවන් වන අලින් මරා දැමීම සදහා හක්ක පටස් වන භූමිය තුළ දමා ඇතැයි ප්‍රදේශවාසීහු පවසති.