නීතිවිරෝධී ලෙස ඕස්ට්‍රේලියාවට ඇතුළුවීම සඳහා බහුදින ධීවර යාත්‍රාවකින් ගමන් කරමින් සිටි ශ්‍රී ලාංකිකයින් 23 දෙනෙකු අත්අඩංගුවට ගෙන එරටින් පිටුවහල්කර තිබේ.
එම ශ්‍රී ලාංකිකයින් 23දෙනා අද (20) අලුයම ගුවන්යානයකින් කටුනායක ගුවන්තොටුපොළ වෙත පැමිණි ඇත.
අදාළ ශ්‍රී ලාංකිකයින් පිරිස පසුගිය මැයි මස 27 වනදා පිටත්ව ගොස් ඇති අතර ඔස්ට්‍රේලියානු වෙරළාරක්ෂක බළකායේ නෞකාවක් මගින් ඔවුන්ව අත්අඩංගුවට ගෙන ක්‍රිස්මස් දූපතට රැගෙන ගොස් තිබුණි.
ඉන් අනතුරුව ඔවුන් මෙලෙස පිටුවහල් කිරීමට කටයුතු කර තිබේ.
ඔවුන් පිරිස මීගමුව, කොස්වාඩිය සහ මූතූර් යන ප්‍රදේශවල පදිංචිකරුවන් වේ.