හැටන් පොලිස් වසමට අයත් ස්තැඩන් වත්තේ කාණුවක තිබි නාදුනන පුද්ගල මළ සිරුරක් ඊයේ (05) දින හමු වු බව හැටන් පොලිසිය පවසයි.
හැටන් සහ රොසැල්ල දුම්රිය ස්ථාන දෙක අතර, දුම්රිය මාර්ගයට පහළින් තේ වත්තේ පුද්ගල මළ සිරුරක් ඇති බවට වතු කම්කරුවන් විසින් හැටන් පොලිසිය වෙත ලබාදුන් තොරතුරක් මත පොලිසිය විසින් සිරුර සොයගෙන තිබේ.
අවු 50 පමණ වයසැති මරණකරු දුඹුරු පාට කමිසයක් සහ සරමක් ඇද සිටි බව පොලිසිය පවසයි.
සිරුර සම්බන්ධයෙන් හැටන් මහෙස්ත්‍රාත් අධිකරණයේ මහෙස්ත්‍රාත්වරයාගේ ස්ථාන පරික්ෂාවෙන් පසු සිරුර පශ්චාත් මරණ පරික්ෂණය සඳහා දික්ඔය මුලික රෝහලේ විශේෂඥ අධිකරණ වෛද්‍යවරයා වෙත යොමු කරන බව පොලිසිය වැඩිදුරටත් සඳහන් කළේය.