පසුගිය දිනෙක සාම්පූර් ප්රදේශයේ විද්‍යාලයකදී නාවික හමුදා නිලධාරියෙකුට දොස් පැවරිම සම්බන්ධයෙන් කනගාටුව පළකරන බව නැගෙනහිර මහ ඇමති නසීර් අහමඩ් ජනාධිපතිවරයා හා අගමැතිවරයා වෙත ලිපියක් යොමු කරමින් සඳහන් කර ඇත.
එහෙත් මෙම සිද්ධිය මුල්කර ගනිමින් තමන් සහභාගී වන උත්සව වර්ජණය කිරීමට ත්‍රිවිධ හමුදාව ගත් තීරණය දේශපාලනමය වශයෙන් ගත් තීරණයක් බවත් එබැවින් තමන් එම තීරණය හෙළා දකින බවත්, ප්‍රධාන අමාත්‍යවරයා සිය ලිපියේ සදහන් කර ඇත.
මෙය ජනාධිපතිවරයා තීන්දුවක් ගැනීමට කලින් ත්‍රිවිද හමුදාව විසින් ගත් තනි තීරණයක් යයි පෙනී යන බවදච ඔහු කියා සිටී.
අදාල සිද්ධිය ගැන එක් පැත්තකින් පමණක් බලා වැරදිකරුවන් ආරක්ෂා කිරීම නුසුදුසු යයිද පවසන ඔහු එසේ වුවත් සමාව ගැනීම හොඳ ආදර්ශයක් නිසා එදින එහි සිටි සියලුදෙනාගෙන්, අමෙරිකානු තානාපති, පාසල් සිසුන් මෙන්ම අදාල නාවික හමුදා නිලධාරියාටද කණගාටුව පල කරන බවද සඳහන් කර ඇත.