මාලදිවයිනේ පාර්ලිමේන්තු කථානායක ලෙස කටයුතු කරන හිටපු ජනාධිපති මොහොමඩ් නෂීඩ් සිය මෝටර් රථය අසල සිදුවූ පිපිරීමකින් තුවාල ලබා ඇත.
පාලක මාලදිවයින් ප්‍රජාතන්ත්‍රවාදී පක්ෂයේ (එම්ඩීපී) ආධාරකරුවන් සඳහන් කර ඇත්තේ බ්‍රහස්පතින්දා සිය නිවසින් පිටත මෝටර් රථයකට නැගීමට සූදානම්ව සිටියදී මෙම පිපිරීම සිදුව තිබෙන බවය.
මෝටර් රථය අසල නවතා තිබූ යතුරුපැදියකට පුපුරණ ද්‍රව්‍යයක් සවි කර තිබී ඇති බව විදෙස් මාධ්‍ය වාර්තා කර තිබේ.
නෂීඩ් මහතා මාලදිවයිනේ ප්‍රජාතන්ත්‍රවාදීව තේරී පත් වූ පළමු ජනාධිපතිවරයා වූ අතර ඔහු 2008 දී බහු-පක්ෂ මැතිවරණ ජයග්‍රහණය කළ නමුත් වසර හතරකට පසුව කුමන්ත්‍රණයකින් නෙරපා හරින ලදී.
53 හැවිරිදි නෂීඩ් මහතා මේ වන විට ඉන්දියානු සාගර ජාතියේ දෙවන බලවත්ම තනතුර වන පාර්ලිමේන්තුවේ කථානායකවරයා ලෙස සේවය කරයි.