රජයේ රෝහලක ප්‍රතිකාර ලබමින් සිටි කොවිඩ් ආසාදිත රෝගීන් 33 දෙනෙක් ඔක්සිජන් හිඟවීමෙන් මියගොස් ඇති පුවතක් ඉන්දුනීසියාවෙන් වාර්තා වේ.
ජාවා දූපතේ පිහිටි රජයේ රෝහලක ප්‍රතිකාර ලබමින් සිටි මෙම රෝගීන් ඉකුත් සෙනසුරාදා මියගොස් තිබුණේ රෝහලේ ඔක්සිජන් අවසන් වීමෙනි.
සති අන්තයේදී එම රෝහලට ඔක්සිජන් ලැබී තිබුණේ බෙහෙවින් ප්‍රමාද වී බව රෝහල් වාර්තා සඳහන් කර තිබුණි.
දෛනිකව වාර්තාවන රෝගීන්ට සාපේක්ෂව පවතින පහසුකම් ප්‍රමාණවත් නොවීම එරට සෞඛ්‍ය අංශවලට එල්ලවී ඇති දැඩි අභියෝගයකි.
විශේෂයෙන්ම ද්‍රව ඔක්සිජන් හිඟය නිසා කොවිඩ් රෝගීන්ට ප්‍රතිකාර කිරීම වඩාත් දුෂ්කර වී තිබේ.