ජර්මනියේ වොක්ස්වැගන් සමාගම ශ්‍රී ලංකාව තුළ ආයෝජනය නොකිරීමට තිරණය කර ඇති බව නියෝජ්‍ය අමාත්‍ය එරාන් වික්‍රමරත්න මහත පවසයි.
දෙරණ රූපවාහිනියේ වැඩසටහනකට සහභාගී වෙමින් අමාත්‍යවරයා කියා සිටියේ සමාගමේ ඇතිව තිබෙන ප්‍රශ්නයක් මත මෙම තීරණය ගෙන ඇති බවයි.
දේශපාලඥයින් මැතිවරණ කාලයන්හිදී වේදිකාවේ කියන දේවල් එතරම් ගණන් ගත යුතු නැතැයිද කී ඔහු වරාය නගරය ව්‍යාපෘතියට තමන් පසුගිය කාලයේ විරෝධයක් දක්වා නැතැයිද කීය.
වොකස්වැගන් සමාගමේ මෝටර් රථ කර්මාන්ත ශාලාවක් මෙරට ආරම්භ කරන බව, මැතිවරණ සමයේ යහපාලන වේදිකාවේ කියවුණු ප්‍රමුඛ පෙළේ පොරොන්දුවක් වුණු අතර, ඒ හරහා තරුණයන් විශාල පිරිසකට රැකියා හිමිවන් බවත්, ඉතා අඩු මිළට මොටර් රථයක් ලබා ගැනීමට මෙරට ජනතාවට හැකිවන බවත් කියැවිණි.