Colombo Today Local News

සබීතාගේ ගොඩනැගිල්ලට බඩු ගන්න කෝටි 42ක් ඉල්ලා ඇමති දුමින්දගෙන් කැබිනට් පත්‍රිකාවක් !

duminda dissanayakeකෘෂිකර්ම අමාත්‍යාංශය සදහා බදු පදනම මත ලබාගත් සිනමා නිළි සබීතා පෙරේරා මහත්මියගේ සැමියට අයත් රාජගිරියේ ගොඩනැගිල්ල අමාත්‍යාංශ කාර්යාලයක් ලෙස යළි සකස් කිරීම සදහා රිපියල් කෝටි 42ක් ලබා දෙන ලෙස ඉල්ලමින් කෘෂිකර්ම අමාත්‍ය දුමින්ද දිසානායක මහා කැබිනට් පත්‍රිකාවක් ඉදිරිපත් කර ඇත.

වසර පහක කාලයකට රුපියල් කෝටි අනූ හයක කුලී පදනම මත මෙම ගොඩනැගිල්ල ලබා ගැනීමට කැබිනට් අනුමැතිය ලැබී ඇති අතර, මේ දක්වා අදාළ ගොඩනැගිල්ලේ පදිංචියට කෘෂිකර්ම අමාත්‍යාංශය ගෙන ගොස් නැතත් මාස හතරක් සදහාවන රුපියල් මිලියන 84ක කුලී මුදලද එහි හිමිකරුවන් වන ඩී.පී. ජයසිංහ ටුවර්ස් ඇන්ඩ් ට්‍රාන්ස්පෝර්ට් සමාගමට ගෙවා ඇතිබව වාර්තා වේ.

ඉංජිනේරුමය කාර්යයයන් පිළිබඳ පත් කළ උපදේශක කාර්යාංශය විසින් මෙම ගොඩනැගිල්ල කාර්යාල පරිශයක් ලෙස සකස් කිරීමට හා අවශ්‍ය ගෘහභාන්ඩ ලබාගැනීමට රුපියල් මිලියන 402ක් වැය වන බවට ඇස්තමේන්තු කර තිබේ.

මෙම ගොඩනැගිල්ල කාර්යාල පරිශ්‍රයක් ලෙස පරිවර්තනය කිරීමට මෙම කාර්යාංශයට වසරක පමණ කාලයක් ගතවන බව දන්වා ඇති අතර එම කටයුතු ඉක්මනින් කරගැනීමට පෞද්ලපික අංශයට ලබාදීමටද තීරණය කර ඇති බව වාර්තා වේ.

මෙලෙස කෘෂිකර්ම අමාත්‍යාංශය සදහා ගොඩනැගිල්ලක් ලබා ගැනීමට සිදුව ඇත්තේ ඊට අයත් ගොඩනැගිල්ල අග්‍රාමාත්‍ය රනිල් වික්‍රමසිංහ මහතා විසින් පාර්ලිමේන්තු කටුයතු අමාත්‍යාංශය සදහා පවරා ගැනීම හේතුවෙනි. අදාල නව ගොඩනැගිල්ල අයත් ඩී.පී. ජයසිංහ සමාගම වෙත කෘෂිකර්ම අමාත්‍යාංශය යොමු කර ඇත්තේද අගමැතිවරයාගේ මෙහෙයවීමෙන් බවද වාර්තා වේ.

Related posts

අල්ලස් අරන් මාට්ටු වූ ලොක්කන් දෙදෙනාට අධිකරණය අද දුන් තීන්දුව

colombotoday

අධිවේගී මගීන් ප්‍රවාහන බස් ගාස්තු 10%කින් පහළට

Admin

අ.පො.ස උසස් පෙළ හා ශිෂ්‍යත්ව විභාග කල් යයි.

colombotoday

දෙහිවල මුහුදේසිටි පුද්ගලයෙක් කිඹුලෙකුට බිලි වෙයි

colombotoday

මවට අමතක වූ සිඟිත්තා ජල ටැංකියට බිලි වෙයි

Admin

රවීට එරෙහි ජෝශප්ගේ ප්‍රහාරයට හේතුව පක්ෂය තුල තිබූ කුමන්ත්‍රණ අසාර්ථක වීමයි

colombotoday