වසර 13 කට පසු විරල බුධ සංක්රාන්තියක් දැකබලා ගැනීමේ අවස්ථාව ලබන සදුදා ශ‍්‍රී ලාංකිකයන්ට උදාවනවා. එය දුර්ලභ සිදුවීමක් බව නවීන තාක්ෂණය පිලිබද ආතර් සී ක්ලාක් ආයතනය කියා සිටියා.
මෙම බුධ සංක‍්‍රාන්තිය ශ‍්‍රී ලංකාවේ වේලාවෙන් පස්වරු 4.42 ටයි ආරම්භ වන්නේ. එය පස්වරු 6.16 වන තෙක් බටහිර ක්ෂිතිජය පැහැදිලිව ඇති ස්ථානයක සිට නිරික්ෂණය කළ හැකි බවයි ශ‍්‍රී ලංකා ග‍්‍රහලෝකාගාරයේ අධ්‍යක්ෂ ප‍්‍රියංකා කෝරලගම ප‍්‍රකාශ කළේ.
දුරේක්ෂයක් සුර්යා දෙසට එල්ලකර ඉන් ලැබෙන ප‍්‍රතිබිම්බය සුදු තිරයක් මතට ගැනීම මෙම සංක‍්‍රාන්තිය දැකබලා ගැනීමේ ආරක්ෂිත ක‍්‍රමය බවයි ප‍්‍රියංකා කෝරලගම සදහන් කළේ.එය නිරික්ෂණය කිරිම සදහා ග‍්‍රහලෝකාගාරයේ දී පහසුකම් සලසන බව ද ඇය පැවසුවා.
ITN