රුපියල් මිලියන 55කට අධික වටිනාකමකින් යුත් කේරළ ගංජා තොගයක් උතුරු මුහුදේදී නාවික හමුදාව භාරයට ගෙන තිබේ.
ඒ, යාපනය, කන්කසන්තුරය ප්‍රදේශයට උතුරු දෙසින් වූ මුහුදු තීරයේදී නාවික හමුදාව හා ශ්‍රී ලංකා වෙරළ ආරක්ෂක දෙපාර්තමේන්තුව සමග එක්ව සිදු කළ විශේෂ මෙහෙයුමකදීය.
එහිදී සොයා ගැනුණු කේරළ ගංජා ප්‍රමාණය කිලෝග්‍රෑම් 183කි.
මලු 04ක පාර්සල් 58ක් වශයෙන් අසුරා තිබියදී ඒවා හමුව තිබේ.
නාවික හමුදාව සඳහන් කළේ, පවතින කොවිඩ් 19 අවදානම් තත්ත්වය හමුවේ සංක්‍රමණිකයින් මුහුදු මාර්ගයෙන් මෙරටට ඇතුළු වීම වැළැක්වීම සඳහා සහ නීති විරෝධී ජාවාරම් කටයුතු මැඩපැවැත්වීම සඳහා උතුරු මුහුදු තීරයේ මුර සංචාර වැඩි කර ඇති බවය.