ඛනිජ තෙල් නිෂ්පාදන මිල දී ගැනීම සඳහා ඉන්දියාවේ ඉන්දියානු අපනයන – ආනයන බැංකුවෙන් කෙටි කාලීන ණය මාලාවක් ලබා ගැනීමට කැබිනට් අමාත්‍ය මණ්ඩල අනුමැතිය ලැබී තිබේ.
ඒ අනුව, අමෙරිකානු ඩොලර් මිලියන 500ක කෙටි කාලීන ණය පහසුකමක් සහ ඉන්දියානු රාජ්‍ය බැංකුවේ සහය යටතේ අමෙරිකානු ඩොලර් මිලියන 200ක ණය පහසුකමක් ලබා ගැනීම සඳහා ද මේ වන විට කටයුතු කර ඇත.
තව ද දැනට පවතින විදේශ විනිමය හිඟය පියවා ගනිමින් අවශ්‍ය ඛනිජ තෙල් නිෂ්පාදන මිල දී ගැනීම සඳහා ඉන්දියානු අපනයන – ආනයන බැංකුවෙන් තවත් අමෙරිකානු ඩොලර් මිලියන 500ක කෙටි කාලීන ණය මාලාවක් ලබා ගැනීමට ද අමාත්‍ය මණ්ඩල අනුමැතිය ලැබී ඇත.
අදාළ යෝජනාව බලශක්ති අමාත්‍ය කංචන විජේසේකර මහතා ඉදිරිපත් කර තිබේ.