සෞදි අරාබිය සිය පුරවැසියන්ට ඉන්දියාව ඇතුළු රටවල් 16ක සංචාරය කිරීම තහනම් කර තිබේ.
විදෙස් මාධ්‍ය වාර්තා කළේ, කොරෝනාවෛරසය නැවත පැතිරීම ත් සමග පසුගිය සති කිහිපය තුළ දෛනික කොරෝනා ආසාදිතයින් සංඛ්‍යාව ශීඝ්‍ර ලෙස ඉහළ යාම හේතුවෙන් සෞදි අරාබිය මෙම පියවර ගෙන ඇති බව ය.
එම රටවල් 16 අතරට ඉන්දියාව, ලෙබනනය, සිරියාව, තුර්කිය, ඉරානය, ඇෆ්ඝනිස්ථානය, යේමනය, සෝමාලියාව, ඉතියෝපියාව, කොංගෝ ජනරජය, ලිබියාව, ඉන්දුනීසියාව, වියට්නාමය, ආර්මේනියාව, බෙලරුසියාව සහ වෙනිසියුලාව ඇතුළත් වේ.
මේ අතර, මහ ජනතාවට රට තුළ Monkeypox රෝගීන් වාර්තා වී නොමැති බවට සෞදි අරාබියේ සෞඛ්‍ය අමාත්‍යාංශය සහතික කර තිබේ.
Monkeypox රෝගයට එරෙහිව සටන් කිරීමට සිය රටට හැකියාව පවතින බව ද ඔවුන් ප්‍රකාශ කර ඇත.
ලෝක සෞඛ්‍ය සංවිධානය ප්‍රකාශ කර ඇත්තේ, රටවල් 11කින් monkeypox රෝගීන් 80 දෙනෙකු මේ විට හඳුනා ගෙන ඇති බව ය.