නීති විරෝධීව ධීවර යාත්‍රාවකින් ඕස්ට්‍රේලියාව බලා යමින් සිටි 19 දෙනෙකු කලවංචිකුඩි හා පානම අතර මුහුදු ප්‍රදේශයේදී නාවික හමුදාව විසින් අත්අඩංගුවට ගනු ලැබ තිබේ.
පොලීසිය සඳහන් කළේ, අත්අඩංගුවට ගත් පිරිස අතර කාන්තාවක් සහ 12 හැවිරිදි පිරිමි ළමයෙකු ද වන බවය.
අත්අඩංගුවට ගත් පිරිස වයස අවුරුදු 12ත් 45ත් අතර පසුවන උප්පුවේලි,යාපනය,වව්නියාව,මඩකලපුව,ත්‍රිකුණාමළය යන ප්‍රදේශවල පදිංචිකරුවන්ය.
ත්‍රිකුණාමලය තිස්ස කඳවුරේ නිලධාරීන් විසින් අත්අඩංගුවට ගත් එම සැකකරුවන් ත්‍රිකුණාමලය වරාය පොලීසියට භාර දී තිබේ.
ඔවුන් අද (20)දින ත්‍රිකුණාමලය මහේස්ත්‍රාත්වරයා හමුවට ඉදිරිපත් කිරීමට නියමිතය.