කෙරවලපිටියේ මෙගාවොට් 300 ක ධාරිතාවයකින් යුත් ද්‍රවවායු විදුලිබලාගාරයක් ඉදිකිරීම සඳහා වන කොන්ත්‍රත්තුව ඒ සඳහා වැඩි මිලක් ඉදිරිපත් කළ චීන සමාගමට පවරා ඇතැයි පාරිභෝගික අයිතීන් සුරැකීමේ සංවිධානය සඳහන් කරයි.
එම ටෙන්ඩරය සදහා අඩුම මිලගණන් ඉදිරිපත් කර ඇති ශ්‍රී ලාංකික සමාගමක් වන ලක්දනව් සමාගම වෙත පිරිනැමීමට තාක්ෂණික කමිටුව විසින් නිර්දේශ ඉදිරිපත් කර තිබියදී විදුලි බල අමාත්‍යාංශයේ ලේකම්වරයාගේ හා විදුලි බල ඇමැතිවරයාගේ මැදිහත්වීමෙන් මෙම ටෙන්ඩරය චීන සමාගමක් වෙත පිරිනැමීමට අදාඝ කැබිනට් පත්‍රය 2018/06/19 දින කැබිනට් මණ්ඩලයට ඉදිරිපත් කිරීමට නියමිත බවත් ඔවුන් පෙන්වා දෙයි.
ලංකා විදුලිබල මණ්ඩලයට කොටස් හිමි සියයට සියයක්ම දේශීය සමාගමක් වන ලක්දනවි සමාගම අඩුම මිල ඉදිරිපත් කර තිබියදී දෙවනි අඩු මිල ගණන් ඉදිරිපත් කර තිබුනු චීනයේ GCL සමාගමට පවරා ඇති බවත් විදුලි ඒකකයක මිලෙහි වෙනස ශත 99 ක් බවත් ඔවුන් පෙන්වා දෙයි.
ඒ අනුව වසරකට විදුලි ඒකක මිලියන 2150 ක් ජනනය කරන මෙම විදුලි බලාගාරය GCL චීන සමාගමට ලබා දිම නිසා අමතරව ගෙවීමට සිදුවන මුදල රැපියල් මිලියන 2129 ක් බවත් වසර විස්සකදී රජය විසින් මෙම බලාගාරය සදහා අමතරව ගෙවන මුදල රැපියල් මිලියන 42570 ක් බවත් ඔවුන් පෙන්වා දෙයි.