මහ කන්නයේ වී අස්වනු වී අලෙවි මණ්ඩලය විසින් සහතික මිලට, මිලදී ගැනීමට කටයුතු සම්පාදනය කර තිබෙනවා.
ජනවාරි මස දෙවන සතියේ සිට 2020/21 මහ කන්නයේ වී අස්වනු නෙලීම ආරම්භ වීමට නියමිත බැවින් වී සඳහා අනපේක්ෂිත මිල පහළ යාම අවම කිරීමේ අරමුණින් මෙම තීරණය ගෙන තිබෙනවා.
ඒ අනුව ,
ප්‍රමිතිගත නාඩු වී, තෙතමනය 14%ක් සහිත වී කිලෝග්‍රෑමයක් රුපියල් 50 බැගින්ද, තෙතමනය 14% -22% සහිත වී කිලෝග්‍රෑමයක් රුපියල් 44 බැගින්ද මිලදී ගැනීම,
ප්‍රමිතිගත සම්බා වී,තෙතමනය 14%ක් සහිත වී කිලෝග්‍රෑමයක් රුපියල් 52 බැගින්ද, තෙතමනය 14% – 22% සහිත වී කිලෝග්‍රෑමයක් රුපියල් 46 බැගින් ද මිලදී ගැනීම,
පොහොර සහනාධාරය ලබන සුළු හා මහා වාරිමාර්ගවල ගොවීන්ගෙන් වගා කරන බිම් ප්‍රමාණය අනුව අවම වශයෙන් හෙක්ටයාර 1 – 1.5 අත්යර වන ගොවීන්ගෙන් කිලෝග්‍රෑම් 1000 බැගින්ද හෙක්ටයාර 1.5 ට වැඩි සහ 2 දක්වා ගොවීන්ගෙන් කිලෝග්‍රෑම් 1500 බැගින්ද වී අලෙවි මණ්ඩලය වී මිලදී ගැනීමට අමාත්‍ය මණ්ඩල අනුමැතිය හිමිව තිබෙනවා.