පසුගිය දශකයේ අඩුම වී නිෂ්පාදනය ගිය වසරේ (2017) දී වාර්තා වූ බවත්, ඒ අනුව ගිය වසරේ වී නිෂ්පාදනය සියයට 46.1 කින් පහත වැටී ඇතැයි පසුගියදා නිකුත් වූ නවතම මහ බැංකු වාර්තාවේ (2017) සඳහන් වේ.
මේ අනුව 2016/17 මහ සහ 2017 යල යන කන්න දෙකෙහි වී නිෂ්පාදනය සැලකිය යුතු ලෙස පහළ යමින් ගිය වසරේ (2017) මුළු වී නිෂ්පාදනය කිලෝ ග්‍රෑම් මිලියන 2,383 ක්‌ දක්‌වා සියයට 46.1 කින් පහත වැටී ඇති බවද එහි දැක්වේ.
මේ හේතුවෙන් 2017 වසරේ සහල් නිෂ්පාදනය ප්‍රමාණවත් දේශීය ඉල්ලුමෙන් මාස අටක්‌ සපුරාලීමට පමණක්‌ බවද ඒ නිසා සහල්වල සිල්ලර මිල ගණන් ඉහළ ගිය බවද මහ බැංකු වාර්තාවේ දැක්වේ.
මේ නිසා සහල් සඳහා පනවා තිබූ බදු පහත හෙලීමට සිදුවූ බවත් රටේ සහල් ආනයනය ඉහළ ගිය බවත් තවදුරටත් මහ බැංකු වාර්තාව කියයි.
(දිවයින)