Colombo Today Local News

පොලිසිය පරිහරණයට කරන යාපනයේ ගොඩනැඟිලි හැකි ඉක්‌මනින් ආපසු දෙන්න – උතුරු ප්‍රධාන අමාත්‍ය

පොලිසිය විසින් භාවිතයට ගෙන තිබෙන යාපනය ඇතුළු උතුරු පළාතේ රජයේ ගොඩනැඟිලි, පාසල් හා මහජනයාට අයත් නිවාස හැකි ඉක්‌මනින් නිදහස්‌ කොට ඒවා අයත් පිරිසට ලබාදීමට පියවර ගන්නා මෙන් උතුරු පළාත් ප්‍රධාන අමාත්‍ය සී. වී. විග්නේෂ්වරන් මහතා පොලිසියෙන් ඉල්ලීමක්‌ කොට තිබේ.

ප්‍රධාන අමාත්‍යවරයා මෙම ඉල්ලීම කොට ඇත්තේ උතුරු පළාත් සභා ශ්‍රවණාගාරයේදී යාපනයේ ජ්‍යෙෂ්ඨ පොලිස්‌ නිලධාරීන් සමඟ පැවති විශේෂ සාකච්ඡාවේදීය.

උතුරු පළාත භාර ජ්‍යෙෂ්ඨ නියෝජ්‍ය පොලිස්‌පති රොෂාන් ප්‍රනාන්දු මහතා ප්‍රමුඛ සියලුම ජ්‍යෙෂ්ඨ පොලිස්‌ නිලධාරීන් මේ සාකච්ඡාවට සහභාගි වී තිබේ.

යුද හමුදාව විසින් කාලයක්‌ම භාවිත කළ යාපනයේ කන්කසන්තුරේ නඩේස්‌වරා විද්‍යාලයේ ගොඩනැඟිලි හා ළිං මේ වන විට භාරදී ඇති බව ප්‍රකාශ කොට ඇති ප්‍රධාන අමාත්‍යවරයා තවත් රජයේ ගොඩනැඟිලි ඇතුළු මහජනතාවට අයත් නිවාස ආරක්‍ෂක අංශ විසින් භාවිත කරන බව පෙන්වා දී තිබේ.

උතුරේ නීතිය හා සාමය ඉතා හොඳින් පවත්වාගෙන යැමට පොලිසිය දක්‌වන උනන්දුව මෙහිදී ප්‍රධාන අමාත්‍යවරයා විසින් ඇගයීමට ලක්‌කොට ඇති අතර, දිවයිනේ සෙසු පළාත්වලට වඩා උතුරු පළාතේ සිදු කිරීමට ඇති පොලිස්‌ රාජකාරි ඉතා විශාල බවද පවසා ඇත.

උතුරේ සියලුම දේශපාලනඥයන්ගේ ආරක්‍ෂාවට යොදවා සිටින පොලිස්‌ නිලධාරීන් ද විශාල මෙහෙයක්‌ ඉටුකරන බව ප්‍රකාශ කොට ඇති සී. වී. විග්නේෂ්වරන් ප්‍රධාන අමාත්‍යවරයා එම නිලධාරීන්ගෙන් බහුතරය සිංහල නිලධාරීන් බවද පවසා ඇත.

Related posts

පාර්ලිමේන්තුව රැස්වීම මන්ත්‍රීවරුන්ගේ ආරක්ෂාව සහතික කළ පසු. පක්ෂ නායක රැස්වීමත් කල් යයි.

colombotoday

බන්ධනාගාරයෙන් දැන් ශීතකරණත් මතුවෙලා

colombotoday

කෝටි 40කට අධික වටිනා රත්තරන් රේගුවේදී අල්ලයි

Admin

නාවල ඉන්ධන පිරවුම්හල කොල්ලකෑ සිද්දියට සොත්ති උපාලි ගේ පුතු ඇතුළු දෙදෙනෙක් අත්අඩංගුවට

colombotoday

ග්‍රේට් වෙස්ට(ර්)න් කඳු මුදුනෙන් හමු වූ කාන්තා මළසිරුරේ පශ්චාත් මරණ පරීක්ෂණය අද

Admin

22 ප්‍රතිඵල දෙන්න වෙන්නේ නෑ

Admin