පසුගිය පළාත්පාලන මැතිවරණයට ශ්‍රීලනිප යෙන් තරග කල හම්බන්තොට හිටපු නගරාධිපති එරාජ් රවින්ද්‍ර ප්‍රනාන්දු නැවත නගරාධිපති ධුරයට පත් කිරීමේ සූදානමක් ක්‍රියාත්මක වෙමින් පවතිනවා.
පසුගිය පළාත්පාලන මැතිවරණයේදී හම්බන්තොට නගර සභාව ජයග්‍රහණය කිරීමට එජාපය සමත් වූ අතර ඔවුන් සභික ධුර 09ක්ද, පොහොට්ටු පක්ෂය 07ක් සහ නිදහස් පක්ෂය සභික ධුර 05ක් දිනාගැනීමට සමත් වුණා.
කෙසේ වෙතත් ශ්‍රීලනිපයේ ප්‍රබලයන් කිහිප දෙනෙකු සහ පොහොට්ටු පක්ෂයේ ප්‍රබලයන් එක්වී හම්බන්තොට නගර සභාවේ හවුලේ බලය පිහිටුවීම පිළිබදව සාකච්ඡා පවත්වා තිබෙනවා.
පසුගිය පාලන සමයේදී දැඩි රාජපක්ෂ හිතවාදියෙකුව සිටි එවක නගරාධිපති එරාජ් ප්‍රනාන්දුට වීදි නාට්‍ය කණ්ඩායමකට සහ විපක්ෂ දේශපාලන ක්‍රියාකාරීන්ට පහර දීම බියවැද්දීම සම්බන්දයෙන් චෝදනා එල්ල විය.