අග්‍රාමාත්‍ය රනිල් වික්‍රමසිංහ මහතා විශ්වාසභංග යෝජනාවෙන් බේරාගැනීම සඳහා පාර්ලිමේන්තු මන්ත්‍රිවරුන්ට මුදල් බෙදා දීම ආරම්භ වී තිබෙන බවත් කොළඹ කිංස්බරි හෝටලයේදී එක්සත් ජාතික පක්‍ෂයේ ප්‍රබලයකු විසින් එක්සත් ජාතික පක්‍ෂයේම පාර්ලිමේන්තු මන්ත්‍රිවරයකුට මුදල් පාර්සලයක් ලබාදී තිබෙන බවත්, ඒකබද්ධ විපක්ෂයේ කොළඹ දිස්ත්‍රික් පාර්ලිමේන්තු මන්ත්‍රි විමල් වීරවංශ මහතා පෙරේදා (23දා) සිකුරාදා පාර්ලිමේන්තුවේදී සඳහන් කළේය.
එක්සත් ජාතික පක්‍ෂයේ එම ප්‍රබලයා කැබිනට් අමාත්‍යවරයකු බවත්, ඔහු පාර්ලිමේන්තුවේ අසුන් ගන්නේ තමාට ඉදිරිපිට පිහිටි ආණ්ඩු පක්‍ෂයේ ආසන පේළියේ 4 වැනි ආසනයේ බවත් එම මුදල් ලබාගත් පාර්ලිමේන්තු මන්ත්‍රිවරයා මේ අවස්ථාවේදී මැති සබයේදී සිටින බවත් විමල් වීරවංශ මන්ත්‍රිවරයා තවදුරටත් පැවැසීය.